Paribasa Sunda Anu Di Mimitian Ku Huruf E Jeung G

Paribasa Sunda Anu Di Mimitian Ku Huruf E Jeung G

Paribasa Sunda Anu Di Mimitian Ku Huruf E

Elmu ajug.

Hartina : Pinter ari mapatahan ka batur mah, tapi prak ku manéh henteu.

Elmu sapi.

Hartina : Samiuk (guyub) dina kagorengan.

Elmu sapi.

Hartina : Samiuk (ngahiji) kana kagoréngan.

Elmu tumbila.

Hartina : Nu boga imah ngarugikeun ka tatamu.

Elok bangkong.

Hartina : Nuju sakarat, ngan kari tunggu dawuh baé, keur ngaleupaskeun nyawa.

Endog mapatahan hayam.

Hartina : 

. Nu sahandapeun mapatahan ka nu saluhureun.

. Nu sangoraeun mapatahan ka nu sakoloteun.

Endog sapatarangan, peupeus hiji, peupeus kabéh.

Hartina : Kasusah atawa karerepet anu tumiba ka dulur, baraya atawa sobat, balukama ngabingungkeun atawa nyusahkeun ka saréréa.

Endog sasayang remek hiji, remek kabéh.

Hartina : Kajeun cilaka babarengan ti batan ngan saurang anu salamet, ari nuséjénna mah carilaka kabéh.

Endog tara megar kabéh.

Hartina : Najan saindung-sabapa henteu sarua milikna, rejekina atawa darajatna.


Paribasa Sunda Anu Di Mimitian Ku Huruf G

Gagalana.

Hartina : Jagona, kokojona.

Galak sinongnong.

Hartina : Mimiti balég, ngeunaan ka parawan (cawéné, lanjang).

Galéhgéh gado.

Hartina : Daréhdéh, tapi henteu terus kana haté.

Gancang pincang.

Hartina : Ku lantaran digawéna buru-buru jeung kurang ati-ati, hasilna téh teu nyugemakeun.

Ganti pileumpangan.

Hartina : Ganti adat; anu tadina hadé jadi goréng atawa nu tadina goréng jadi hadé j.s.t.

Gantung déngé.

Hartina: Henteu terus bisa ngadéngékeun hiji perkara jeung pohara hayangna neruskeun ngadéngékeun.

Gantung teureuyeun.

Hartina : Henteu bisa terus daharna, sabab dahareunana geus béak atawa daharna kapaksa kudu eureun heula, ku Iantaran aya dahareun nu didagoan.

Gedé gunung pananggeuhan.

Hartina : Boga ahli atawa kawawuhan anu beunghar atawa jadi gegedén. Dinaurang aya karerepet atawa butuh ku pitulung, éta jelema bisa nulungan ka urang kukabeungharan atawa kakawasaanana.

Gedé gunung pananggeuhan.

Hartina : Adigung ku lantaran boga kolot atawa baraya baleunghar atawa jareneng.

Gedé hulu.

Hartina : Adigung.

Gedé-gedé kayu randu, dipaké pamikul bengkung, dipaké lincar sokanggang, dipaké pancir ngajedig.

Hartina : Ngeunaan ka jelema anu jangkung tur dedeg, ngan hanjakal gawéna jeung karajinanana goréng.

Geledug cés.

Hartina : Disangka arék hébat, tapi buktina atawa jadina mah henteu kitu.

Getas harupateun = Pingges harupateun.

Hartina : Gampang pisan nyalahkeun atawa ngahukum ka batur.

Geulis sisi, laur gunung, sonagar huma.

Hartina: Ari rupa mah tegep, ngan dangong dusun.

Geus cumarita

Hartina: Geus kawin sarta imah-imah sorangan; geus misah ti kolot.

Gindi pikir belang bayah.

Hartina: Goréng haté, dolim; julig; dengki.

Gindi pikir, belang bayah.

Hartina : Boga pikiran goréng ka papada kawula.

Ginding kakampis.

Hartina : Ari paké mah ginding, ngan duit teu boga.

Ginding kakampis.

Hartina : Ari paké mah ginding, ngan duit teu boga.

Giri lungsi tanpa hina.

Hartina : Nu luhurjeung nu handap sarua baé, ulah dihina!

Goong nabeuh manéh.

Hartina : Ngunggulkeun diri atawa kulawarga sorangan.

Goong saba karia.

Hartina : Datang sorangan ka nu keur kariaan sanajan henteu diondang ogé,maksudna hayang dititah digawé sangkan seubeuh baranghakan.

Gunung tanpa tutugan = Sagara tanpa tepi.

Hartina : Euweuh anggeusna, euweuh béakna.

Gunung tanpa tutugan.

Hartina : Euweuh anggeusna, teu béak-béak. Sasarina ngeunaan pagawéan atawa perkara.

Gurat batu.

Hartina : Pageuh kana jangji.

Gurat batu.

Hartina: Pageuh jangji, tara ngarobah naon baé anu geus dipasinikeun.

Gurat cai.

Hartina : Jalirjangji.

Guru, ratu, wongatua karo.

Hartina : Guru, Raja atawa Kapala Nagara, indung-bapa jeung mitoha, wajib dihormat jeung diturut paréntahna.

Gusti Allah tara nanggeuy di bongkokna.

Hartina : Gusti Allah tara nangtayungan ka mahlukna anu salah atawa boga dosaka papada kawula.

• Paribasa Sunda Anu Di Mimitian Ku Huruf D
• Paribasa Sunda Anu Di Mimitian Ku Huruf I Jeung L